BARITA PAROKI PAROKI ST. FRANSISKUS ASSISI PANGARIBUAN No. 06/ Desember -2016 – Januari 2017 /XXXII/2016

HATA PATUJOLO


Satongkin nari naeng sahat ma hita tu ujung ni Taon Liturgi Taon C. Marihe Ari rea Kristus Raja ditutup ma taon liturgy ni Hurianta. Naeng masuk ma hita tu Taon Litrugi Naimbaru (A/I) na dipungka marhite Minggu Adventus naparjolo. Ragam do angka ulaon naung tapatupa di tingki na salpu i: Pesta Pelindung ni Paroki, na dipatupa marhite Pesta OMK Separoki, Paringotan Hari Pangan Sedunia ma dipatupa marhite Kegiatan Lomba Memasak Pangan Lokal Non Beras antar sesame PP Separoki Pangaribuan, dohot Ulaon Reuni manang Muspas Paroki 2016. Suang songon , tongtong godang angka ulaon na naeng dipatupa di ujung ni taon on rupani: Pangaradeon tu Prosesi Tiga raja 2017, Sosialiasi Politik dohot ragam rencana taringot tu pesta natal. Luhut barita on hugurithon jala hupatolhas hami di bagasan Barita Paroki edisi parpudi di taon 2016 on.


Angka Naporlu Botoon


1. Festival OMK Separoki Pangaribuan
Di taon 2016 on kelompok OMK mandapot giliran laho mangareahon Pesta Pelindung Paroki, St. Fransiskus Assisi. Ulaon pesta pelindung on dipatupa toho ari Sabtu - Minggu, 01 - 02 Oktober 2016 maringanan di Aula St. Albertus – Pangaribuan. Ragam ni ulaon na dipatupa di omas on ima: Pelean Misa Nabadia, angka perlombaan (Lomba merangkai bunga, festival koor dohot estafet mengisi air ke dalam botol). Ari Sabtu, 01 Oktober 2016 dipatupa perlombaan merangkai bunga. Dipajolo do ulaon on dohot tujuan asa angka hasil rangkaian bunga na dibahen ni angka OMK on boi dpangke langsung songon hiasan ni langgatan dohot panggung di mata ni pesta. Ari Minggu, 02 Oktober 2016 ulaon dipungka dohot Pelean Misa Nabadia na niuluhon ni P. Dominikus Sibagariang OFM Cap. Dung sae Pelean Misa, dipatorus ma dohot kegiatan makan siang bersama. Festival Koor na dipatupa di bagasan 2 kategori diulaon dung sae marsipanganon arian. Lomba estafet mangisi aek tu botol dipatupa songon lomba penutupan di tingki pesta on.

Angka juara ni ganup perlombaan i:
a. Lomba Merangkai Bunga:
   I   : OMK Stasi Sijungkang
   II  : OMK Stasi Pahae Tongatonga
   III : OMK Stasi Panguhalan Rihit
   IV : OMK Stasi Lobutua
   V  : OMK Stasi Siantar Toruan
   VI : OMK Stasi Onan Handis
b. Festival Koor Group A:
    I   : OMK Stasi Sijungkang
    II  : OMK Stasi Panguhalan Rihit
    III : OMK Stasi Pahae Tongatonga
    IV : OMK Stasi Onan Handis
    V  : OMK Stasi Pangaribuan
    VI : OMK Stasi Batu Landit
c. Festival Koor Group B:
    I   : OMK Stasi Purbatua
    II  : OMK Stasi Sosor Gonting
    III : OMK Stasi Bukit Patupangan
    IV : OMK Stasi Sanggesangge
    V  : OMK Stasi Sampang Maruhur
d. Lomba Estafet Mangisi Aek tu Botol: data pemenang lomba dang dipasahat panitia tu sekteratiat.
    Na tangkas, tongtong do adong Juara di lomba on: Juara I-VI

2. Pengobatan Gratis sian Caritas PSE Keuskupan Sibolga:
Ari Rabu, 19 Oktober 2016 na salpu dipatupa do pengobatan gratis tu angka ruas na adong di stasi-stasi na maringan di wilayah kecamatan Andam Dewi. Ulaon on dipatomutomu jala dikoordinir Caritas PSE Keuskupan Sibolga di bagasan kerjasama dohot Suster-suster ALMA. Mauliate ma di angka pangurupion naung dipasahat nasida tu angka ruasta. Anggiat ma marhite ulaon on boi dihalahon angka dongan holong ni Tuhan na tongtong mandongani jala mangaradoti ngoluna, tung pe holan kebutuhan sahali marubat do na boi dipasahat nasida di ombas on.

3. Lomba Memasak Antar Sesama PP Separoki Pangaribuan
Ari Jumat, 21 Oktober 2016 na salpu, nunga dipatupa ulaon Lomba Memasak Pangan Lokal Non Beras Antar Sesama PP Separoki Pangaribuan. Ulaon on dipatupa laho marningot Hari Pangan Sedunia taon 2016. Angka pangula ni huria sian 13 stasi na ro di tingki on patuduhon kreasi nasida patupahon ragam ni sipanganon na dbaen sian bahan dasar gadong. Di bagasan perlombaan on adong 4 kriteria penialain na ditontuhon panitia: 1. Ragam ni Sipanganon na boi dipatupa sian bahan dasar gadong di bagasan tingki 2 jom, 2. Rasa ni sipanganon i, 3. Kreativitas laho menyajikan, 4. Kerjasama tim. Juara ni perlombaan on ima:

Juara I    :   PP Stasi Pahae Tongatonga
Juara II   :   PP Stasi Bukit Hasang
Juara III  :   PP Stasi Pangaribuan
Juara IV  :   PP Stasi Aek Dakka
Juara V   :   PP Stasi Bondarsihudon
Juara VI  :  PP Stasi Siantar Toruan

Impola na boi dienet sian kegiatan perlombaan on: 1. Tung mamora do hita di angka sipanganon na boi manghorhon hasehaton ni keluarga. Ndang pola sai ingkon ‘tergantung’ hita tu sipanganon na margoar ‘boras’, ala rade do gadong songon bahan pangganti ni boras 2. Mansai ringkot do kreativitas di ganup halak, asa boi dipatupa ragam ni sipanganon na tabo jala bergizi sian bahan dasar gadong. Anggiat ma boi dipatupa hasil ni angka perlombaan on di tongatonga ni keluarganta be, asa jumpang di hita angka hasehaton na mangarahon hita ‘maduma’ di ngolu pardagingon.

4. MUSPAS Paroki 2016
Ari Rabu – Sabtu, 26 – 29 Oktober 2016 na salpu nunga dipatupa Musayawarah Pastoral (Muspas) Paroki Pangaribuan maringanan di Aula St. Albertus – Pangaribuan. Angka peserta ni pertemuan on ima sahalak utusan sian ganup stasi, utusan ni seksi-seksi dohot anggota DPPI. Utusan ni stasi na rot u pertemuan tahunan on adong 26 halak. Stasi na so adong utusanna tu pertemuan on ima: Pangaribuan, Sitiristiris dohot Aek Gapuk. Songon na somal, di bagasan pertemuan bersama on dievaluasi do saluhut kegiatan pastorak ni parokinta: angka naung diulahon, na so jadi ulahon dohot sandok panghorhonna. Di langka na paduahon dipatupa do analisis ntens laho paresohon angka dia do parungkilon na masa di tonga ni masyarakat di bagasan sude aspek di luatta on. Luhut parungkilon dohot hamaolon naung dijumpangi di langka na paduahon i, dipabagas di bagasan kelompok marhite Refleksi Biblis: Aha jala dia do didok Debata manang na dihalomohon Debata naeng taulahon asa boi muba situasi na hurang denggan i gabe situasi na denggan? Dung dapot paniroion sian Hata ni Debata, disusun ma ragam kegiatan na naeng tapatupa tu tingki na naeng ro, songon sada usaha asa saut lam tu dengganna situasi ni parngoluon ni parokinta on. Marhite on, simpul ma reuni manang Muspas Paroki Taon 2016. Nunga dapot di hita ragam ni angka kegiatan na naeng tapatupa di taon 2017 na naeng ro.

5. Rencana Pembangunan gareja baru di Bukit Patupangan
Bangunan gareja Stasi Bukit Patupangan na adong nuaeng on, dipajongjong di taon 1973. Hurang lobi, 44 taon ma umur ni bangunan gareja di stasin on. Mulai sian tingki dibangun di taon 1973 sahat ro di ombas on, ndang dope hea gareja on mandapot rehab nanggo apala sahali. Saonari on nunga lam matua bangunan i, mulai burburon jala nunga tingkina ingkon dipaimbaru. Mangihuthon godang ni ruas di stasi on saonari (87 KK), gareja na leleng on ndang siat be songon inganan parmingguan di tingki ari Minggu.
Mulai sian 3 taon salpu nunga dipingkirhon laho pajongjonghon sada gareja naimbaru di Bukit Patupangan. Mamereng jala mampartimbanghon situasi di ruas na gumodangan sian huta Kode Tolu, ujungna ditolopi do asa gareja naimbaru on dipajongjong di inganan na baru (ndang di lokasi ni gareja saonari). Nunga diusahahon ruas laho manuhor partapahan na baru di huta Kode Tolu.
Ragam do diulahon ruas ni stasi Bukit Patupangan songon dalam laho papunguhon dana tu pembangunan gareja na baru on: Guruan ni ruas Rp. 10.000,- /KK/Minggu, Partangiangan Lingkungan (Kolekte Partangiangan), Mangula saba (sohe ni saba masuk kas pembangunan). Nang pe songon i, ndang dope boi saut dimulai pembangunan on ala sai hurang dope dana.
Hombar tu sosososo ni Amanta Uskup Keuskupan Sibolga, Mgr Dr Ludovicus Simanullang OFM Cap, dibahas di rapat DPPI laos dipasahat di Muspas Paroki na salpu: Ganup KK ni ruas Katolik di sude stasi asa pasahathon PARTISIPASI tu pembangunan Gareja Bukit Patupangan Rp. 20.000,-. Molo adong keluarga na rade mangalehon lobi sian i, las ro manjalo. Lobi tangkas taringot tu program on nunga hupasahat hami di bagasab surat naung ditongos tu sude stasi.

6. Angka Rencana Kegiatan:
a. Muspas Keuskupan: 
Muspas keuskupan naeng dipatupa sian tanggal 28 Nopember -2 Desember 2016 maringanan di Ruper St. Leopoldo Gunungsitoli Nias. Angka Pastor dohot Frater na adong di parokinta on parsidohot do di bagasan ulaon Muspas Keuskupan on.
b. Rangaradeon tu Prosesi Tiga raja Taon 2017: 
Angka Pendamping Sekami sian sude stasi na adong di Paroki pangaribuan dijou asa rap marpungu di Aula St. Albertus Pangaribuan di ari Minggu, 04 Desember 2016, Pkl. 14.00 WIB sahat tu na simpul. Di parpunguan on naeng dipatorang do tu hita taringot tu Kegiatan Prosesi Tiga Raja na naeng diulahon seretntak di sude stasi toho ma I Ari Minggu, 08 Januari 2017 (Minggu Efifani: Hapapatar ni Tuhan). Sude stasi asa mangutus pendamping sekamina be tu pertemuan on.
c. Sosialisasi Politik:
Sada sian temuan ni angka peserta Muspas Paroki 2016 di bagian Politik ima: Torop dope warga masyarakat na so manang na hurang mangantusi taringot tu politik. ntense, Program ni KPKC Paroki Pangaribuan di ujung ni taon 2016 on naeng patupahon Kegiatan Sosialisasi Politik Dalam Rangka Pemilihan Kepala Daerah Serentak 2017. Narasumber di kegiatan on ima sian KPUD Kab. Tapanuli Tengah. Ulaon on disangkapi dipatupa ari Jumat, 09 Desember 2016 di aula St. Albertus Pangaribuan. Utusan sian stasi ima: Vorh, Wkl Vorh, Utusan ni Ama (sahalak), Utusan ni Ina (sahalak) dohot Utusan ni OMK (sahalak). Molo ro surat undangan tu hita, asa renta ma hita mangadopi pertemuan on, asa lam dapot taantusi hak dohot kewajibanta songon warga Negara, lumobi ma taringot tu Penggunaan Hak Pilih di tingki Pemilihan ni angka pemimpin ni masyarakatta.
d. Angka rencana Pesta Natal:
(1). Natal Ama Lintas Rayon: Natal Ama Lintas Rayon naeng dipatupa di Stasi Bukit Hasang toho ari Kamis, 29 Desember 2016, Pkl. 16.00 WIB. Angka stasi na parsidohot di kegiatan on, asa paradehon diri dohot tingki laho mangihuthon pesta on. Naeng ma nian martamba godang ni stasi na parsidhot di kegiatan Natal Ama Lintas Rayon on.
(2). Natal PP Separoki Pangaribuan: Songon na somal tapamasa ganup taon, tongtong do naeng dipatupa Natal Pengurus Separoki Pangaribuan. Ulaon on naeng dipatupa ari Jumat, 13 Januari 2017 mulai Pkl. 09.00 WIB sahat tu na simpul maringanan di Gareja Katolik St. Maria Ratu Surga – Pangaribuan. Angka na digokkon tu Pesta Natal Pangula ni Huria on ima: Sude DPPI, Seksi-seksi, DPSI dohot angka Sintua Lingkungan sian ganup stasi. Angka Pendamping Sekami na sian stasi pe tongtong digokkon asa parsidohot di Pesta Natal Pengurus on.
(3). Silua Natal 2016: Ganup stasi asa tongtong mangingot laho patupahon SILUA NATAL. Silua Natal ima Kolekte na masuk di tingki Ibadat (PHD) manang Misa di Borngin Natal. Somalna, molo adong angka pesta-pesta Natal (Sekami, OMK, Punguan Ina,Natal Gabungan), molo adong dipatupa Kolekte tu kandang Natal, tongtong ma digabung tu Kolekte malam natal laos dipasahat ma I tu paroki.

Intensi manang Hamauliateon:
Sada hasomalan na mansai denggan jala patut dipadimundimun di tongatonga ni ruas laho pasahathon Intensi manang hamauliateon marhite Huria. Pambahenan on patuduhon tongtong bagas ni haporseoan ni ruas tu Tuhan i, na tutu porsea sian Tuhan i do saluhutna dijalo nasida jala patut do tongtong dipasahat tu Ibana angka basabasa naung jinalona i. Di tingki ro Pastor mahuria jala patupahon Pelean Misa Nabadia, sude ntense dipasahat tu nasida. Mangihut tu si, ntense manang hamauliateon na pinasahat ni ruas di tingki Ibadat Minggu di stasi, ndang dimaksudhon holan naeng dipasahat tu pengurus, alai dipasahat tu Huria (stasi) secara umum. Jadi molo songon i, ntense manang hamauliateon i dang dimaksud asa dibagi holan di kalangan ni pengurus, alai tutu ma i dipangke tu operasional ni Huria di stasi. Denggan ma dibahen pengurus laho mangatur, asa boi singkop jala denggan pardalan ni ntense manang hamauliateon i di stasinta.

Angka Setoran ni Huria/Stasi tu Paroki 1.   Kolekte Parjolo:
Kesepakatan di parokinta on, stasi-stasi patupahon setoran Kolekte I sahali di bagasan tolu bulan manang di tingki ro pastor mangebati stasi. Angka bendahara stasi asa paradehon paretongan ni Kolekte I dohot denggan. Taingot ma patupahon penyetoran Kolekte I di tingkina jala unang sai tapaima jolo ro pangidoan sian paroki. Setoran ni sude Kolekte sian stasi dipasahat ma tu KASIR di paroki ima Pastor Rekan.
2.    Iuran Wajib Tahunan Keluarga:
Saonari hita nunga bongot tu Bulan Nopember 2016. Mangihuthon target naung ditontuhon di bagasan Matriks Kegiatan Paroki, tingki pengumpulan ni Iuran Wajib oma ima sahat tu Minggu IV Bulan Agustus 2016. Hape adong dope pigapiga nari stasi na so pasahathon nanggo apala saotik Iuran Wajib nasida di taon on .. Taingot ma laho patupahon pembayaran Iuran Wajib Tahunan Keluarga (najolo goarna didok: eme Gotilon). Balga ni Iuran Wajib Tahunan on ima Rp. 100.000,-. Pembagianna: Rp. 60.000,- (Eme Gotilon), Rp. 20.000,- (DPK) jala Rp. 20.000,- (DPP). Di bagasan pos ni roha dohot serep ni roha dipangido tu sude keluarga na adong di stasi, asa rade patupahon Iuran Wajib Tahunan on. Tausahahon ma patupahon angka kewajibanta tu Huria sahatophatopna. Setoran ni Iuran Wajib on dipasat stasi tu KASIR di paroki ima tu Pastor Rekan.
3.    Dana Solidaritas Petugas Pastoral: 
Sahat tu ujung ni taon 2016 on songon na adong’ dope stasi naso menyetor dana solidaritas Kesepakatan di hita ima asa ganup bulan stasi patupahon setoran dana solidaritas i. Pembayaran ni Iuran Dana Solidaritas dipasahat stasi ma langsung tu petugas KASIR di Paroki ima Pastor Rekan.
4.    Dana Katekis: 
Sahat tu Bulan Nopember 2016 on on adong dope stasi na so patupahon penyetoran dana katekis. Bendahara stasi langsung berhubunga tu KASIR manang Pastor Rekan di Paroki di tingki patupahon pembayaran Dana Katekis. Angka dongan Katekis na naeng manjalo Pangganti ni Biaya Transportasi di tingki mangulahon katekese tu stasi, asa langusng ma menghadap tu KASIR, ima Pastor Rekan.
5.     Kwitansi manang Bukti Setoran: 
Ganup hali hita patupahon penyetoran angka kewajiban manang manuhor sesuatu sian paroki laho tu kepentingan ni stasi, taingot ma manjalo kwitansi manang bukti setoran, asa boi tapartanggunjawabhon angka paretongan tu Huria. Angka kwitans na tajalo, denggan ma disimpan manang disusun, asa molo jumpa tingki paretongan di stasi, boi tapatuduhon angka kwitansi i songon tanda bukti na tutu nunga tasetor manang naung tabayar angka barang na tabuat sian paroki.