Kolekte AYD 2017

Rekapitulasi Dana APP 2017

Rekapitulasi Dana APP 2017:

1.      APP Stasi –Stasi                            Rp.      86.169.500,-

2.      Kolekte Pendalaman APP              Rp.    10.066.000,-

3.      APP Anak Sekolah                        Rp.        5.057.500,- +

Jumlah seluruhnya                        Rp.    101.293.000,-

On ma jumlah asli ni sude dana APP  na masuk di taon 2017. Dung dihurangi dohot angka pengeluaran (pengangadaan celengan), dapot ma jumlah bersih dana APP 2017: Satonga sian dana APP Stasi dohot Dana APP Singkola tinggal di paroki. Satonga nari sian dana APP Stasi disetor tu Keuskupan, asa dipatorus tu KWI, jala satonga sian Dana APP singkola dipasahat tu MPK (Majelis Pendidikan Katolik) – Keuskupan Sibolga.

Mauliate ma di hita saluhut ruas ni Huria naung mangalehon roha patupahon aksi puasa di ganup rumatangga nang di angka singkola. (Bereng APP Stasi dohot APP Singkola)

Dana APP Singkola

Dana APP Stasi

Pardalanan Ni Pastor

Novena Pentakosta

NOVENA PENTAKOSTA

Marhite Barita paroki on hupabotohon hami tu hita saluhutna, naeng dipatupa NOVENA PENTAKOSTA. Saleleng sia ari andorang so jumpang Ari Rea Pentakosta, dipatupa Partangiangan Novena marhite na mangulahon Pelean Misa Nabadia saleleng 9 ari ganup borngin mulai sian tanggal 26 Mei 2017 – tanggal 03 Mei 2017,Pkl. 20.00 WIB. Saluhut ruas ni Huria na adong di paroki on digokhon asa ro jala parsidohot di ulaon Pelean Misa Nabadia Novena Pentakosta on.  

Biaya Administrasi

Angka Biaya Administrasi:

Dison dipabotohon tu hita ragam ni biaya administrasi na dipamasa di Paroki Pangaribuan:

·     Administrasi Pandidion/Terima resmi: Rp. 45.000,- / halak

·     Administrasi Pamasumasuon (Nabaru): Rp. 300.000,-

·     Administrasi Pamasumasuon Hajagaron (Convalidatio):  Rp. 200.000,-

·     Adminsitrasi Komuni I: Rp. 35.000,- / halak

·     Administrasi Krisma: Rp. 35.000,- / halak

·     Mangurus/Mangganti Surat-surat: Rp. 20.000,- / lembar

·     Administrasi Kursus Perkawinan: Rp. 50.000,- / halak manang Rp. 100.000,- / Pasang.

Sude Biaya Administrasi na ringkot laho manjalo angka Sakramen  (Pandidion/T.Resmi, Pamasumasuon & Convalidatio, Komuni I , Krisma) asa dipaberes di Sekretariat Paroki andorang so jumpang ombas ni panjaloon ni Sakramen i (maksudna: Unang ma dipasahat tu pastor di tingki hari H).

Angka Setoran Huria

Angka Setoran ni Huria/Stasi tu Paroki

1.   Kolekte Parjolo:

Nunga leleng adong kesepakatan di parokinta on, asa stasi-stasi patupahon setoran Kolekte I sahali di bagasan tolu bulan manang di tingki ro pastor mangebati stasi. Saonari hita nunga di parsitongaan ni Bulan Mei  2017 jala adong dope na patupahon penyetoran Kolekte Pertama on. Nian sian taontaon na salpu, nunga songon na denggan system penyetoran na dipatupa angka stasi, nang pe sai adong sada manang dua stasi na lemba taringot tu si. Alani i, pangidoannami,  asa lam tatingkathon ma nian hadengganon naung tausahahon saleleng on.  Taingot  ma patupahon penyetoran Kolekte I di tingkina. 

Rencana Kegiatan

Angka Rencana Kegiatan Paroki St. Fransiskus Assisi Pangaribuan

1.   Panjaloon Sakramen Krisma di Rayon III: Ari Kamis, 25 Mei 2017 na naeng ro, ima Ari Hananaek ni Tuhan. Di sadari i, naeng dipatupa Amanta Uskup do  Panjaloon Sakramen Krisma tu angka ruas na adong di rayon III (8 stasi). Ulaon on dipatupa di Stasi St. Martinus – Panguhalan Rihit, manungka sian Pkl 09.30 WIB sahat tu na simpul.

2.   Evaluasi Tengah Tahun 2017 Paroki Pangaribuan: 

Ari Jumat, 26 Mei 2017, Pkl 13.00 WIB naeng dipatupa do Evaluasi Tengah Tahun 2017 Paroki  Pangaribuan maringanan di Aula St. Albertus – Pangaribuan. Angka perseta na digokhon jala diharophon ro di ombas on ima: Sude anggota DPPI, sude pengurus ni seksi dohot sude vorhanger sian sude stasi. Sude peserta asa mamboan MATRIKS KEEGIATAN PAROKI TAON 2017. 

BARITA PAROKI PAROKI ST. FRANSISKUS ASSISI PANGARIBUAN No. 03/ Juni - Juli /XXXIII/2017

HATA PATUJOLO

Horas ma di hita saluhutna. Ndang tarhilala naeng masuk ma hita tu parsintongaan ni taon 2017. Ragam ulaon nunga dipatupa di stasi, rayon nang parokinta. Angka kesibukan na adong, mambahen so pola tahilala, naung sahat hita tu ujung ni bulan Mei 2017 jala ndang pola piga ari nari, masuk ma hita tu bulan Juni. Mulai ma Semester II di angka ulaon parhuriaon. Godang naung taulahon  alai tong dope adong pigapiga kegiatan na tinggal jala ndang dope saut diulahon.. Di bagasan Barita Paroki edisi on, hupatomutomu hami do Barita ni angka kegiatan di bulan bulan na parpudi on huhut patomutomuhon angka kegiatan ni parokinta sahat tu bulan Juli 2017.

Barita Paroki on ma gabe pedoman di hita laho mamereng angka jadwal ni kegiatan. Molo dung sahat tu hita Barita Paroki on, denggan ma tajaha isina manang pigapiga hali, asa antus di hita angka na ringkot ulahononta. Lumobi ma asa tutu taparrohahon angka jadwal kegiatan di paroki, rayon dohot kunjungan ni Pastor tu Hurianta be.  Horas ma di hita sude………… 

Angka Naporlu Botoon