BARITA PAROKI PAROKI ST. FRANSISKUS ASSISI PANGARIBUAN No. 03/ Juni - Juli /XXXIII/2017

HATA PATUJOLO

Horas ma di hita saluhutna. Ndang tarhilala naeng masuk ma hita tu parsintongaan ni taon 2017. Ragam ulaon nunga dipatupa di stasi, rayon nang parokinta. Angka kesibukan na adong, mambahen so pola tahilala, naung sahat hita tu ujung ni bulan Mei 2017 jala ndang pola piga ari nari, masuk ma hita tu bulan Juni. Mulai ma Semester II di angka ulaon parhuriaon. Godang naung taulahon  alai tong dope adong pigapiga kegiatan na tinggal jala ndang dope saut diulahon.. Di bagasan Barita Paroki edisi on, hupatomutomu hami do Barita ni angka kegiatan di bulan bulan na parpudi on huhut patomutomuhon angka kegiatan ni parokinta sahat tu bulan Juli 2017.

Barita Paroki on ma gabe pedoman di hita laho mamereng angka jadwal ni kegiatan. Molo dung sahat tu hita Barita Paroki on, denggan ma tajaha isina manang pigapiga hali, asa antus di hita angka na ringkot ulahononta. Lumobi ma asa tutu taparrohahon angka jadwal kegiatan di paroki, rayon dohot kunjungan ni Pastor tu Hurianta be.  Horas ma di hita sude………… 

Angka Naporlu Botoon

a.     Ibadat Tobat 2017:

Ibadat Tobat di sude stasi dohot tu angka parsingkola SMP/SMA/SMK saleleng masa parhobason paska na salpu nunga mrdalan dohot denggan. Nunga 12 taon hasomalan na denggan on dipatupa di Paroki Pangaribuan. Nang pe sian taon tu taon sai hira manongtong do situasi ni ruas na parsidohot di ulaon on (otik ruas na ro), alai tongtong diputushon, asa ulaon on dipatupa di ganup taon molo jumpang ombas parhobason paska. Andul dao tumorop godang ni angka parsingkola na rot u ulaon ibadat tobat on unang apala ulaon ibadat tobat na dipatupa di stasi-stasi (tu umum). Mauliate dohonon tu angka guru di singkola-singkola naung mangatur jala paradehon angka ianakhonta parsingkola tu ulaon ibadat tobat on. Ndang lupa hita pasahathon hata mauliate tu angka dongan Tim Ibadat Tobat, na sai tongtong rade mangurupi jala mandongani  pastor laho patupahon ibadat tobat di sude stasi dohot singkola saleleng prapaska 2017 on.

b.     Sermon Rayon:

Ulaon sermon rayon di bagasan taon on mardalan dumenggan sian angka taon-taon na salpu. Mulai sian bulan Pebruari sahat tu Mei 2017, nunga rutin tapatupa ulaon sermon rayon. Di semester dua na ro (mulai bulan Juni – Oktober 2017), ulaon sermon on pe tongtong do naeng tapatorus, ala tutu tahilala mansai ringkot do ulaon on di angka Pangula ni Huria Stasi/lingkungan. Anggiat ma sai tong marsemangat hita laho paihutihuthon sermon si ganup bulan i. Manihut tu si, hupaingot hami ma tu hita musetaringot tu aturan ni sermon:

·       Ganup stasi asa mangutus 5 halak peserta sermon sian stasina

·       Biaya partisipasi sermon rayon: Rp. 5.000,- / halak. Molo 5 halak nasida rot u sermon, dibayar ma 5 halak. Molo 6 manang 7 halak, dibayar ma biaya ni 6 manang 7 halak. Alai molo hurang sian 5 halak manang situtu dang adong na rot u sermon i, stasi WAJIB manggarar Rp. 25.000,- tu stasi na  gabe suhut hundulan.

Hupangido hami asa tutu ma taulahon kesepakatan naung tabahen on, dohot maksud asa sude stasi aktif laho mangihuthon ulaon sermon rayon.

c.    Pamasumasuon ni Malim Naimbaru:

Di Ari Rabu, 03 Mei 2017 na salpu, dipatupa do ulaon Pamasumasuon ni 4 halak malim naimbaru di Paroki St. Maria Bunda Para Bangsa - Gunungsitoli. Sada sian nasida na dipasupasu gabe malim i ro sian Lingkungan Pangaribuan 2 – Stasi Pangaribuan, ima Pst. Rohendi Marpaung Pr.. Tatangianghon ma tu Debata, asa anggiat angka malimta naimbaru on hot di panjouon na pinasahat ni Tuhan i tu nasida saleleng ngoluna huhut asa tutu nasida gabe Parmahan na Denggan Roha di tongatonga ni Ruas ni HuriaNa.

d.    Angka Ulaon Pesta Misa Pertama ni  Malim Naimbaru:

Maringanan di Gareja Katolik St. Maria Ratu Surga – Pangaribuan, di ari Minggu 07 Mei 2017 dipatupa do Misa Pertama ni Pst. Rohendi Marpaung, Pr. Laos di ari Minggu, 14 Mei 2017 tongtong dipatupa ulaon Misa Pertama ni P. Damianus Tilman OFM Cap di Stasi Sijungkang, ala nang pe ro sian Timor Leste nasida, tangkas do di tingki na salpu i, ianggo na dietong orangtua nasida di luatta on ima keluarga ni Bapak P. Tambunan (Op. Rindu) sian Stasi Sijungkang. Mauliate ma di Tuhan naung mamillit sian tongatongnta angka  malimNa, na naeng marmahani angka ruasNa. Mauliate ma tongtong di natuatua nasida, naung rade mangungkap roha laho pasahathon ianakhon nasida gabe parmahan di tongatonga ni Huria. Anggiatma tutu gabe parmahan na denggan roha nasida di tongatonganta. 

e.    Rekoleksi Pendamping Sekami & Remaja Sedekanat Tapanuli:

Maringanan di aula St. Albertus Pangaribuan, nunga saut dipatupa ulaon REKOLEKSI PENDAMPING SEKAMI & REMAJA SE-DEKANAT TAPANULI di Ari Sabtu-Minggu, 06-07 JMei 2017 na salpu. Penanggunjawab ni ulaon on ima Biro KKI Keuskupan Sibolga. Mansai las roha, ala mansai torop do peserta ni rekoleksi on (hira-hira 210 halak sian 5 paroki, Alana Paroki P. Sidempuan dohot Pinangsori ndang mangutus peserta). Narasumber di bagasan kegiatan on ima P. Yulius Simatupang OFM Cap. Mauliate ma tapasahat tu Biro KKI Keuskupan Sibolga, naung marlojaloja laho patomutomuhon ulaon rekoleksi bersama on. Anggiat ma lam tamba semangat ni angka dongan pendamping sekami dohot remaja laho patupahon ulaon panghobasion di stasina be.