Angka Setoran

Angka Setoran ni Huria/Stasi tu Paroki

1. Kolekte Parjolo:

Saonari hita nunga di bulan Maret 2017 jala torop so piga dope na patupahon penyetoran Kolekte Pertama on. Nian sian taontaon na salpu, nunga songon na denggan system penyetoran na dipatupa angka stasi, nang pe sai adong sada manang dua stasi na lemba taringot tu si. Alani i, pangidoannami,  asa lam tatingkathon ma nian hadengganon naung tausahahon saleleng on.  Taingot  ma patupahon penyetoran Kolekte I di tingkina. Laos hupangido hami dohot gomos, molo ro hita patupahon penyetoran asa tajalo

kwitansi manang bukti setoran sian kasir. Sude kwitansi ni setoran on asa tasimpan denggan, atik boha di sada tingki ringkot laho patupahon penyesuaian di hita.

2.  Iuran Wajib Tahunan Keluarga:

Saonari hita nunga bongot tu bulan Maret 2017. Taingot ma laho patupahon pembayaran Iuran Wajib Tahunan Keluarga (najolo goarna didok: eme Gotilon). Balga ni Iuran Wajib Tahunan on ima Rp. 100.000,-. Pembagianna: Rp. 60.000,-  (Eme Gotilon), Rp. 20.000,- (DPK) jala Rp. 20.000,- (DPP).  Di bagasan pos ni roha dohot serep ni roha dipangido tu sude keluarga na adong di stasi, asa rade patupahon Iuran Wajib Tahunan on. Molo so boi langsung dilunasi, boi dipatupa secara angsuran. Rade do angka pengurus di stasi laho manjalo angsuran na sian keluarga. Di taon 2016 salpu, nunga godang nian kemajuan ni angka stasi taringot tu Iuran Wajib Tahunan Keluarga on. Alai di pigapiga stasi, tung mansai borat jala maol dope roha nasida patupahon setoran Iuran Wajib on. Marhite barita on pinabotohon tu hita saluhutna: Batas akhir pelunasan Iuran Wajib Tahunan Keluarga on ima Minggu IV Bulan Agustus 2017. Mangido hami sian Paroki, unang ma nian tapaima sahat tu batas akhir. Tausahahon ma patupahon angka kewajibanta tu Huria sahatophatopna. Di si do patar jala tarida songon dia panghophoponta tu Huria ni Tuhan i.

Molo tapamanat Matriks Kegiatan 2017 taringot tu Pemungutan Iuran Wajib Tahunan on, dipangido asa penyetoran dipatupa sahuranghurangna sahali di bagasan tolu bulan (setoran per tri wulan). Jadi sasintongna, di bulan Maret on nunga ingkon adong nian saparopat sian jumlah total ni Iuran Wajib on naung masuk. Hape sahat saonari, torop so piga dope stasi na patupahon penyetoran ni Iuran Wajib Tahunan on. Molo sai dipamanat, gabe sada hasomalan do nunga di tongatonganta laho paimahon jumpang bulan Agustus asa dipatupa penyetoran ni Iuran Wajib Tahunan on. Di piga stasi tarbege do barita naung dipapungu jala dipasahat ruas i Iuran Tahunan nasida, hape  ndang pintor dipatorus penyetoran tu paroki. Alasan na dibahen ima: paimahon angka setoran ni ruas na asing. Mangido hami di bagasan serep ni roha, asa molo nunga adong setoran Iuran Wajib na sian stastinta, nang pe holan pigapiga KK, pintor tasetor ma tu paroki asa. Iuran on do na laho pangkeonta tu oprasional paroki dohot mangurupi hita laho patupahon angka ulaon pembinaan dohot lan nasing.

3.  Dana Solidaritas Petugas Pastoral:

Di taon 2017 ndang piga dope na patupahon penyetoran ni dana solidaritas . Kesepakatan  di hita ima asa ganup bulan stasi patupahon setoran dana solidaritas i.

4.  Dana Katekis:

Sahat tu bulan Maret 2017 on adong dope stasi  na so patupahon penyetoran dana katekis. Taingot ma pasahathon  angka kewajibanta tu paroki. Pintor tabayar ma tolu manang piga-piga bulan tu jolo, asa unang sai repot hita laho patupahon pelunasan ni kewajibanta tu paroki. Asa rap taboto, dana katekis on dipangke tu transportasi ni angka katekis na patupahon pangajarion tu stasi-stasi molo naeng adong pandidion/terima resmi, convalidatio/pasupasu hajagaron.