Angka Rencana Kegiatan

Angka Rencana Kegiatan:

1.   Kaul Kekal ni  angka Frater/Bruder sian Ordo Kapusin Kustodi General Sibolga naeng dipatupa ari Sabtu, 12 Agustus 2017 maringanan gi Gareja Katolik Stasi St. Maria Ratu Surga Panagaribuan – Paroki St. Fransiskus Assisi – Pangaribuan.

2.   Panjaloon Komuni Pertama Bulan Agustus – September on:  Angka dakdanak di Stasi Pangaribuan, Barus dohot Onan Handis saonari on mangihuthon pangajarion dohot pangaradeon tu ulaon Panjaloon Komuni Pertama. Jadwal pesta komuni pertama on hupatomutomu hami di bagasan Pardalanan ni Pastor mangebati stasi Bulan Agustus – September 2017.

3.   Pesta Pelindung Paroki: Di bulan Oktober na naeng ro, naeng dipatupa do Ulaon Pesta Pelindung Paroki,

St. Fransiskus Assisi. Hombar tu naung ditolopi di Reuni 2016 na salpu,di tingki pesta pelindung on naeng dipatupa do Festival Koor Gabungan (Ama/Ina/OMK).

4.  Bulan Kitab Suci Nasional: Bulan September ima Bulan Kitab Suci Nasional. Di bulan on diarahon do saluhut ruas ni Huria laho pajonokhon diri tu Debata marhite na manjaha jala mangarimangi hataNa na tarsurat di Buku Nabadia. Partangiangan lingkungan Bulan Kitab Suci Nasional naeng ma dipatupa di sude stasi nang lingkungan na adong di Paroki Pangaribuan.

5. Sermon Rayon Bulan Agustus - September: Di bagasan sermon rayon bulan Agustus 2017 naeng dipatupado pangaradeon tu Bulan Kitab Suci Nasional, na naeng masa saleleng Bulan September 2017. Materi sermon Bulan September 2017 ima taringot tu Laporan Keuangan Stasi. Alani i, dipangido tu sude BENDAHARA STASI  asa paradehon Laporan Keuangan sian Januari – Agustus 2017. 

            Khusus tu Sermon Bulan September 2017, asa ganup rayon manontuhon di stasi dia sermon i dipatupa. Holan tanggal, tingki dohot bahan ma diparade sian paroki (songon naung tarsurat di bagasan Barita Pardalanan di halaman terakhir majalah on). 

Sosialisasi Taringot tu Bahaya Penggunaan Narkoba:

Sada ulaon na ringkot na naeng dipatupa di stasi –stasi di parsitongaan ni Bulan Juli – Agustus 2017 on ima uloan Sosialisasi taringot tu bahaya penggunaan narkoba. Luhut ruas (dakdanak, remaja, OMK dohot angka orangtua) dipangido asa parsidohot di ulaon sosialisasi on. Rap hita manjagai sude anggota keluarganta, asa siding sian penggunaan ni ragam ni narkoba. Nunga dipasahat surat boaboa tu hita jala di bagasan surat i nunga dipatomutomu Jadwal ni Sosialisasi tu ganup stasi. Dibahen Pangula ni Huria ma tingting, asa sude ruas umboto taringot tu kegiatan on.