BARITA PAROKI PAROKI ST. FRANSISKUS ASSISI PANGARIBUAN No. 04/ Agustus-September /XXXIII/2017

HATA PATUJOLO

Horas ma di hita saluhutna. Pajumpa hita muse marhite Barita Paroki no 4 di edisi taon 2017 on. Godang angka barita na naeng dipatomutomu tu tongatonganta taringot tu angka kegiatan naung dipatupa di tingki na salpu, suang songon i nang angka kegiatan na naeng dipatupa di bulan Agustus – September 2017 na ro on. Luhutna  barita on dipatomutomu asa adong evalusi laho paresohon angka na hurang di tingki na salpu huhut asa adong tingki di hita laho paradehon diri sadenggandengganna tu angka ulaon manang kegiatan na mangihut.

Alani i, mansai harop roha tu hita saluhutna, molo dung sahat Barita Paroki on tu tanganta, tajaha huhut taparrohahon ma isina, asa taantusi jala boi rap hita umboto jala mangarade tu angka kegiatan di tingki na naeng ro on.

Naporlu botoon

Boaboa Taringot tu Penyetoran ni angka Kewajiban ni Stasi tu Paroki:

Sahat tu bulan Juni 2017 na salpu, tugas KASIR ditangani P. Aris Adriano Malau OFM Cap. Alai alani ringkot jala godang ni ulaon nasida, mulai 01 Juli 2017 tugas KASIR dipasahat ma tu Bpk. Don Bosko Manihuruk. Alani i, sude transasksi manang penyetoran keuangan dipasahat ma tu kasir na baru mulai sian tanggal 01 Juli 2017. Laos di tingki na salpu i, adong penggantian ni anggota Dewan Keuangan (ala marujung ngolu Inanta SR. Br. Siringoringo), gabe songon on ma Formasi ni Dewan Keuangan Paroki Pangaribuan saonari on:

Bendahara Umum    : P. Dominikus Sibagaraiang, OFM Cap

Kasir                         : Bpk. Don Bosko Manihuruk (Bpk. Willy)

Akunting                   : Sr. M.  Hermin Situmorang, OSF

Anggota:                  : P. Aris Adriano Malau, OFM Cap

  : Bpk. Mikael Simbolon (Sawah Lamo)

  : Ibu Tiurlina Habeahan (Pangaribuan)

 : Sdr. Juspen  Bondar (Pananggahan)

Daftar ni angka Katekis & Stasi Binaan:

Nunga dua taon adong Tim Katekese di Paroki Pangaribuan. Di bonana, adong do hirahira 22 halak nasida di kelompok on. Alai dung di parsintongaan ni taon 2017 on, adong angka perobahan di keanggotaan ni tim on. Adong sian nasida na mangido mundur jala adong na dipangido mundur untuk sementara ala ni kesibukan di tonga ni keluarga (ala metmet dope angka ianakhon nasida). Di taon-taon na ro, molo nunga lam magodang dakdanak nasida, boi do tongtong nasida masuk tu tim katekese paroki on. Angka anggota tim katekese paroki na masuk tu kelompok on saonari ima:

Angka Setoran ni Huria/Stasi tu Paroki

·          Kolekte Parjolo:

Nunga leleng adong kesepakatan di parokinta on, asa stasi-stasi patupahon setoran Kolekte I sahali di bagasan tolu bulan manang di tingki ro pastor mangebati stasi. Saonari hita nunga di Minggu III Bulan Juli  2017 jala adong dope stasi na so patupahon penyetoran Kolekte Pertama on. Setoran ni sude Kolekte sian stasi dipasahat  ma tu KASIR di paroki ima tu Bpk. Don Bosko Manihuruk (Pak Willy).

·          Iuran Wajib Tahunan Keluarga:

Saonari hita nunga bongot tu Minggu III Bulan Juli 2017. Taingot ma laho patupahon pembayaran Iuran Wajib Tahunan Keluarga (najolo goarna didok: eme Gotilon). Balga ni Iuran Wajib Tahunan on ima Rp. 100.000,-. Pembagianna: Rp. 60.000,-  (Eme Gotilon), Rp. 20.000,- (DPK) jala Rp. 20.000,- (DPP).  Di bagasan pos ni roha dohot serep ni roha dipangido tu sude keluarga na adong di stasi, asa rade patupahon Iuran Wajib Tahunan on. Molo so boi langsung dilunasi, boi dipatupa secara angsuran. Rade do angka pengurus di stasi laho manjalo angsuran na sian keluarga. Marhite barita on pinabotohon tu hita saluhutna: Batas akhir pelunasan Iuran Wajib Tahunan Keluarga on ima Minggu IV Bulan Agustus 2017. Mangido hami sian Paroki, unang ma nian tapaima sahat tu batas akhir. Tausahahon ma patupahon angka kewajibanta tu Huria sahatophatopna. Setoran ni Iuran Wajib on dipasat ma tu KASIR di paroki ima tu Bpk. Don Bosko Manihuruk (Pak Willy).

·          Dana Solidaritas Petugas Pastoral:. Angka stasi na so patupahon penyetoran Dana Solidaritas  di bagasan taon 2017 on, asa patupatuhaon pembayaran. Pembayaran ni Iuran Dana Solidaritas dipasahat stasi ma langsung tu petugas KASIR  di Paroki ima tu Bpk. Don Bosko Manihuruk (Pak Willy).

Dana Katekis: Laos hupaingot hami ma angka Bendahara stasi asa patupahon pembayaran Dana Katekis. Penyetoran dana katekis langusng ma tu Kasir, ima Bpk. Don Bosco Manihuruk (Pak Willy), jala Angka dongan Katekis na naeng manjalo Pangganti ni Biaya Transportasi di tingki mangulahon katekese tu stasi, asa tongtong ma langsung ro tu Bpk. Don Bosko Manihuruk  songon petugas kasir. Diboan ma buku ekspedisi naung ditandatangani  vorhanger stasi.