Reuni Kamum Berjubah

Reuni Kaum Berjubah Asal Paroki Pangaribuan

Ari Jumat-Minggu, 16 – 18 Juni 2017 na salpu dipatupa do ulaon Reuni Kaum Berjubah (Uskup, Pastor, Bruder, Frater, Suster) asal Paroki Pangaribuan. Sasintongna ulaon on disangkapi dipatupa sahali lima taon. Ulaon reuni na parjolo nunga 7 taon na salpu. Alai sude tarlalap ala ni angka kesibukan di tugas masing-masing. Nang pe songon i mansai las roha ala saut do tutu denggan tarpatupa ulaon reuni on nang pe godang sian nasida na so boi ro alani tugas dohot jarak na tung mansai dao.   Mauliate ma tapasahat tu sude ruas (termasuk keluarga ni kaum berjubah) naung rade pasahathon pangurupion  manang bantuan, asa boi mardalan denggan sude kegiatan reuni on.  
Ragam do ulaon na dipatupa di Reuni  Kaum Berjubah on:  Ari Parlojo diisi dohot kegiatan intern ni kaum
berjubah. Di ari paduahon (Sabtu), dipatupa do pertemuan khusus ni angka kaum berjubah rap dohot natuatua nasida. Ari Sabtu sibodari dipatupa kegiatan aksi panggilan sian ganup ordo manang tarekat ni kaum berjubah naung adong anggotana sian Paroki Pangaribuan. Di bagasan aksi panggilan on digokhon do angka OMK sian stasi-stasi dohot harapan, di tingkina haduan boi nasida mamillit ordo manang tarekat na dipatandahon di ombas on molo adong sangkap nasida masuk biara. Dung sae  misa panimpuli ni ulaonreuni on (Minggu), dipatupa kegiatan sosial ima Pengobatan Gratis tu masyarakat na adong di Stasi Huta Jambu dohot Pahae Tongatonga. Tung torop do masyarakat na ro di kegiatan pengobatan gratis on, pola ndang boi be dilayani saluhutna. Mangido maaf ma panitia tu angka dongan naso sanga diurupi di tingki pengobatan i. Mauliate tongtong tu Pengurus Gereja di Huta Jambu dohot Pahae Tongatonga naung marlojaloja laho patupahon angka pangaradeon  tu ulaon pengobatan gratis on. 
Laos di ombas on dipahot do kepengurusan ni Kaum Berjubah Asal Paroki Pangaribuan, ima:

Ketua                    : Pst. Alboen Simatupang, Pr

Sekretaris 1           : Pst. Rohendi Marpaung ,Pr

Sekretaris 2           : Br. Laurentius Sitanggang OFM Cap

Bendahara 1          : Sr. M. Beatrix Samosir, OSF

Bendahara 2          : Sr. M. Mikaela Hutagaol, FCJM

Reuni Kaum Berjubah  na mangihut disangkapi naeng dipatupa di taon 2019 na naeng ro dalam rangka Yubileum 80 taon Pandidion na parjolo di Huria Katolik Stasi pangaribuan. Tu angka anggota ni Kaum berjubah asal Paroki Pangaribuan asa marningot tingki ni kegiatan on. Harop roha, asa ro jala parsidohot ma nian sude angka anggota ni Kaum Berjubah di pesta Yubleum 80 taon Pandidion Naparjolo di Stasi Pangaribuan on.