Kaul Perdana Suster OSF Sibolga

Kaul Perdana ni Suster OSF – Masuk Novisiat:

Lima halak suster novis ni Suster OSF Reute Sibolga naung pasimpulhon masa novisiat di Pangaribuan dijalo secara resmi di bagasan kongregasi marhite na mar-kaul perdana. Angka suster na markaul perdana i ima: Sr. M. Fransiska Sihotang OSF (Sian Stasi Sawah Lamo), Sr. M. Emilia Sinaga OSF (Sian Stasi Purbatua), Sr. M. Alfonsa Silaban OSF & Sr. M. Helena, OSF (Paroki Tarutung Bolak) jala Sr. M. Faustina, OSF (Sian Flores). Ulaon pesta Kaul Perdana on dipatupa di gareja Katolik Pangaribuan di Ari Selasa, 13 Juni 2017. Laos di na sadari i dipatupa do tongtong ulaon Panjaloon  ni 12 halak   postulan masuk tu taon  Novisiat. P. Yoseph Sinaga OFM Cap di bagasan jamitana di ombas pesta on mangondolhon asa anggiat angka suster na baru markaul jala baru mulai masuk taon novisiat on marsituu laho mangalusi panjouon na pinasahat ni Tuhan tu nasida ganup.  ,  Tatangianghon anggiat margogo jala hot nasida di ngolu naimbaru na pinillit nasida saonari, asa lam tamba toropna angka pangula ni porlak anggur ni Tuhanta i.